標籤： 信仰

「為何要合理化兇徒的動機？」
「為何要體諒兇徒不幸的遭遇？」
「為何要把自己的痛苦建立在無辜者身上？」
「上帝為何對受害者掩面不顧？」
「上帝為何不看顧敬虔的基督徒？ 」
「好人沒有好報，壞人逍遙法外……上帝的公義何在？」
「被性侵的若是自己女兒，你還能原諒嗎？」
「旁觀的第三者，請不要逼我原諒。」
「免我們的債，如同我們免了人的債……」

對不起我做不到……
因為我找不到寬恕的理由。

巴打:「我真是苦啊！！谷住谷住……救命！」
阿水:「你竟然無睇我嘅名著《戰勝便秘》？不吃麒麟果，吃虧在眼前。食完包你痾到變細碼啊！」
巴打:「弟兄，你誤會啦……我唔係谷X，我想洩慾……我宜家成個腦都係動作片啊！！」
阿水:「有緣才能相遇，既然今日俾你撞到我……就將在下第二本名著贈送俾你，祝福你早日放下淫念，阿門。」
《戰勝性慾五大兵器》
一. 飲凍水
二. 沖凍水涼
三.衝落街跑步
四.loop主禱文「不叫我們遇見試探」（乘10次）
五. 決心Delete咸片App

「 以色列王掃羅為左唔想俾非力士人凌辱，寧願喺沙場上伏刀自殺……
大衛王嘅謀士亞希多弗因為奸計失敗，最後走上絕路，留低遺言吊頸死……
參孫求上帝賜佢力量整冧間屋，同敵人同歸於盡……二五仔猶大知道自己害死左無辜嘅耶穌，於是就喺高處吊頸死……」
「第六誡話不可殺人，自殺算唔算謀殺自己？上帝會點樣處置自殺嘅基督徒？落地獄定係返天家？」
「人係求生唔係求死，有得揀，邊個想自尋短見……」

絲：「你哭著對我說，童話裡都是騙人的……我怕我以後太習慣了失戀……」
巴：「放手！放開所有……林峰話彼此會更自由啊絲打！！」
絲：「雙宋婚變……吳若希玩婚變challenge，宜家連主內巴打吳建豪都話要同百億千金離婚……唔通哩個世界已經再無真愛？」
巴：「有無搞錯啊Vanness！枉我當你好兄弟！信左耶穌點可以離婚㗎？就算個老婆有幾難頂，個老公有幾爛滾……基督徒都要忍！！上帝話『休妻的事是我所恨惡的』，『神配合的，人不可分開』」

絲：「巴打，你諗好點同我慶祝未？唔好要我失望啊！」
巴：「上個月先搞完生日，轉個頭又慶祝？慶祝咩啊？慶祝你嫁人啊？」
絲：「Well！March係決志生日，April係身份證個生日，May係受洗生日……總共3個生日，3個Party，3份禮物，多謝曬！！」
巴：「決志同洗禮有咩分別啊？咪又係同一舊野，阿牧師咪又係問你承唔認承認耶穌基督為你生命救主……唔通齋決志唔浸就上唔到天堂咩？口裡承認，心裡相信就夠啦，d儀式野做唔做都無所謂啦……」
絲：「講到尾就係想慳返兩份禮物，唔肯同我慶祝，男人之家乜得你咁小氣㗎！」

巴：「郭富城話自己50幾歲做到老竇，係上天嘅恩賜，我既有大衛王嘅俊美容貌，又有所羅門嘅聰明智慧，相信亦都係上天嘅恩賜，感謝神！！！」 絲：「舉頭望明月，低頭see肚腩∼大胃王就有你份！ Do you know what is 恩賜？唔好亂曲解啦！」 巴：「講道領詩無我份……搬凳插花洗廁所就話係我嘅恩賜，實情氹我乖乖事奉…….人地男仔嚟㗎！！做咩要人地學插花喎！！ 咦∼我唔制啊……」 絲：「你竟然唔好好珍惜上帝俾你嘅恩賜！ 小心佢沒收，到時你後悔都嚟唔切啊！」 巴：「隨便攞去，多謝曬。」

巴：「進場人士請注意，姐妹嚴禁背心短裙，弟兄切忌短褲拖鞋∼面斥不雅，不便之處，敬請原諒……」 絲：「無理要求，誓不妥協！！ 還我穿衣自由， 反對以貌取人！！」 巴：「姐妹，麻煩你著返高領長褲，染返黑個頭，漂返走個紋身，除返頂cap帽，拉返高條拉練，唔好再絆倒一班軟弱嘅弟兄啦！ 聖經教導穿著要合宜啊絲打！ 」 絲：「過份著重外表嘅話同法利賽人又有咩分別？ 如果弟兄有邪念想歪歪，姐妹著到成隻粽都無用啦！成日推個波俾人，你姓賴㗎？！」

絲打：「（輸入中……）弟兄，好耐無見啊∼你哩排忙緊咩啊、你有無代禱需要啊、有無感恩事項、平時有無靈修、有無睇聖經、上次做咩唔返團契、你有咩難言之隱有咩心事啊？親愛的弟兄姐妹坦誠分享？？」巴打：「人地都已經藍色剔剔，已讀不回啦！ 好心一早放開佢∼想返自然會返，逼都無用！」絲打：「你自己唔返教會唔返團契，就唔好教唆他人犯錯，好大罪架！！」巴打：「要我個個禮拜對住班騎呢怪，打機好過……」絲打： 「我美艷動人、天資聰敏、溫柔體貼、靈巧像蛇！ 你竟然話我「騎呢」？！」「說話浮躁的，如刀刺人。」「 口出讒謗的，是愚妄的人。」「惡人的口說乖謬的話。」

巴：「大！大！開！開！！」 絲：「開大去廁所啦∼巴打 」巴：「你認錯人，我係賭∼神∼」 絲：「淘寶幫你買副戴隱形液晶體眼鏡啦，人仔34蚊8毫半子包郵！ 保證旗開得勝！魚蝦蟹百家樂老虎機廿一點，包你贏錢贏到直升機返香港啊！ 」巴：「哇！？你基督徒定賭徒啊？」 絲：「小賭怡情啫∼世界難撈，人工又奀……十一奉獻無錢俾，唯有賭枱幫補下∼」 巴：「耶穌係唔會要你啲污糟錢㗎！！」

絲：等左咁耐，點解都仲未有架？ 巴：亲，你又淘寶啊？退款啦仲等！ 絲：祈禱邊有得退款㗎？等到寂寞夜深，上帝都唔理我…….唔通連個天都唔鍾意我.. 巴：你係咪唔記得講「阿門」，所以sent唔出去啊？定係寫錯地址，無講「奉主耶穌基督聖名祈求」啊？你唔經耶穌通知，去唔到上帝嗰度㗎！ 絲：寫岩地址又有咩用喎……如果份祈禱list唔合上帝心意，跪地禁食撕爛件衫都無料到啊！ 巴：撕爛件衫？洗唔洗咁激動啊？

絲：「哈里路亞！ 樓市跌穿$1000尺！神蹟啊！」 「哈里路亞！ 口水加泥盲人開眼！！神蹟啊！」「哈里路亞！五餅二魚餵飽非洲！！神蹟啊！ 」「哈里路亞！瘸腿棄輪椅！！神蹟啊！」「哈里路亞！唔洗過隧道，ifc直行過去icc！！ 神蹟！」 巴：發開口夢訓醒未啊？望下月曆，宜家21世紀啦，你以為自己係摩西定彼得啊？ 絲：我幫耶穌宣傳緊啊！ 21世紀講gimmick，無noise無hit rate啊！ 巴：識玩就緊係fb直播live醫治嘔泡神蹟大會啦。