一個空姐、一個住在香港心在日本的白領，和一個只為孩子著想的媽媽……三個帶住唔同身份，但一樣心情，時不時返「鄉下」嘅人，同你推介佢地最愛去嘅地方——佢地鄉下響邊？咪就係日本囉！
主持人： 阿茱, Misamisa, 小吉
快樂嘅時間過得特別快，不過我哋唔會同你講拜拜…… 嘻嘻！想知點解？！聽到最尾咪開估囉…… 今集係今季嘅最後一集，我哋要利用最後時間，補充下值得去嘅地方俾大家；而且…… 要玩大踢爆！原來阿茱、小吉、misamisa一直都不和……；再鳴謝有份令我哋節目咁成功嘅你、妳、同埋您！ 快啲嚟聽吓咁精彩嘅內容啦！
相信小朋友最期待嘅就係暑假！講講吓好快就到喇！日本乜嘢都有期間限定，原來連活動都有期間限定㗎，今集同大家介紹「暑假期間限定」吖！聽吓有冇一個啱你玩？！
去到日本點先可以最搶鏡？！入鄉隨俗，一定要試吓著 集傳統文化、美麗於一身嘅和服、浴衣或裖袖啦。佢哋嘅顏色七彩繽紛，加上不同嘅配搭組合，再喺不同場合配以不同種類，包你試極都試唔完！茱mi吉喺日本著和服又有咩有趣事？咁就要聽吓啦！
平時生活咁繁忙，返鄉下緊係要輕鬆吓， 日本嘅農埸非常多元化，有各式各樣嘅活動俾大家親身體驗，唔止睇動物咁簡單，仲可以學到好多書本上學唔到嘅嘢㗎，而且大人細路都啱玩。 想知道有咩推介？聽吓我哋節目啦！
去旅行買嘢買到爆喼，係正常不過嘅事…… 但係都要留番啲位買手信，返去同摰愛親朋分享快樂嘅！究竟點買先可以買到大方得體而又不失「位置」呢？！聽吓我哋嘅節目，可能可以令你有所體會㗎！
小「島」可以怡情，大「島」真係可以亂性㗎！喂‥‥‥唔好誤會，意思係可以玩到癲晒咁解‥‥‥ 喺日本，不論大島定小島，都各有特色，唯一相同嘅地方係，全部都有靚風景，最適合繁忙嘅大家，可以悠悠閒閒地嘆一日，一於叉足電先再努力過啦！
玉帛相見？！唔好誤會…….. 我地係講緊日本溫泉呀！ 喺日本，浸溫泉係要全裸㗎，而且有好多嘢需要注意。除此之外，我哋仲會分享吓啲特別温泉俾大家，一齊去浸番個熱辣辣嘅溫泉，增加血液循環，包您越黎越靚！
博物館俾人嘅感覺係一個好悶嘅地方……但只要你聽吓我哋嘅介紹，包你會有改觀，而且仲會行到上癮？！因為日本嘅博物館唔係淨係講歷史，佢哋好多元化，而且好互動㗎，絕對係一個有嘢學、有嘢睇、有嘢玩嘅好地方。
講起日本嘅鐵路，就會諗起果張縱横交錯嘅鐵路圖，不過，絕對唔代表佢亂七八糟，而係四通八達先啱。除咗一般諗到嘅路線之外，我哋會為你介紹一啲特別嘅觀光鐵路，一齊試吓用啲咁方便嘅方法去感受吓日本嘅風光啦！
一講主題公園第一時間好自然就會諗起迪迪尼，但喺日本， 仲有好多特别嘅主題公園㗎，聽吓你哋去過邊幾個？！ 如果發現自己完全冇去過，唔緊要……就趁而家！約佢、 或者佢哋一齊去啦！
想要獨一無二？有辦法！自己親手整啦！不論食嘅、用嘅、著嘅， 乜都可以自己整，一於去親自體驗吓唔同嘅製作過程啦，除咗可以學到好多平時學唔到嘅嘢之外，最緊要當然係體驗日本文化啦！
茱mimi去運吉 返嚟啦！第一時間緊係搵返間cafe聚一聚啦！ 講起cafe， 去到日本嘅主題cafe，包你有意想不到嘅體驗！ 不論你係真文青、定係偽文青、甚至唔係文青，相信總有一間我地介紹嘅cafe會適合你。
