分類： 男人你不年輕了

「驕傲，不是自信，反而是自卑！」Youngman牧師在最後一集的節目，與你分享自信與謙卑的功課！認識自己、接納自己，最緊要認清自己的位分！在最後一章，Youngman話你聽，幾忙都要打個電話俾家人，幾忙都要跟家人見面聚餐！聽聽Youngman分享他的家庭樂吧！最後一集，感謝各位不再年輕，或即將不再年輕，又或者本質仍很年輕的你支持！Youngman，陳恩明牧師，跟大家說聲「再見」！

Youngman跟你講欺凌，今日，可能好多校園欺凌、網絡欺凌，但牧師跟你講，男人欺凌最要不得！有力量、有能力，唔代表要蝦沒有能力的人。Youngman仲因為追賊，由蘇屋邨追到李鄭屋邨，勁呀！另外，做人冇夢想同咸魚有咩分別？影壇明星的一番經典對白，youngman又點去演繹呢？原來，佢話做咸魚都有做咸魚的價值……..超多精彩的人生見解，男人，係時候click入嚟聽啦！

邀約阿媽或者長輩玩遊戲，後輩又是否應該「孝敬」一下，讓長輩們高興一番呢？Youngman話，同長輩相處，要好好學習，唔好失去耐心呀！Youngman同你講佢當年點樣同年老的爸爸好好傾一場計。仲有仲有，有鍋別人背，有功自己享，有誰會喜歡這種人呢？每個人都有機會在自己生活圈子中成為領袖，三十歲人喇，點都要學下點樣做個good leader，唔好讓人家成為針對你的hater喇。《男人，你不年輕了》，馬上收聽，等Youngman牧師同你開心「些牙」做男人心得！

Youngman話：「如果你想發出一封很燥的電郵，最好發之前你讀多幾次先，讀完之後就把它刪除吧」一上到電子世界，所有留言都會有曬記錄，第時被人秋後算帳都會好麻煩！Youngman同唔年輕的你講，污穢的言語真係一句都唔好講喇！另外，在不同的場合遇上新朋友、新同事，Youngman教落，最好都要請佢地食一餐迎新飯！點解呀？不如，打開今集節目聽一聽啦！

Youngman話：「一些立下汗馬功勞的前輩，到他們告老歸田時，實在不應該忘記他們」敬老，在Youngman牧師的口中如何被演繹呢？甚麼是「令人氣餒的長輩」，令Youngman談之不快; 又甚麼是「留下笑容的長輩」，令牧師稱羨不已呢？ Youngman今集更會大談「如何為自己寫悼詞」，身後除了有事外，似乎都要有一篇講稿才行，牧師自己的「悼詞」又是如何的呢？男人，你不年輕了，有些事，是時候要知的了，一起聽聽今集節目吧！

古有國父孫中山曰：「結婚，乃眾人之事。」今有「年輕男人」大師曰：「結婚，乃全村人之事，死未？」咁今時今日結婚又咩玩法先？仲問？快啲收聽啦！另外，youngman牧師又會同大家分享「先敬羅衣後敬人」的真理，原來外國有句諺語”A sport coat is worth 1000 words”，真係咁犀利？咁男人又應該點「裝身」先得呀？係咪你的衣著如何，你的日子又必如何先？今集《男人 你不年輕了》等緊你呀喂！

youngman問：「究竟男人鎮定啲定女人鎮定啲？」一個男人點解要識得「外馳內張」？等大師又過返你兩招啦男人！仲有，大師又話男人一定要學習獨處，有道是「煩惱的不是事情，而是你對事情本身的看法」點樣獨處先至型？快收聽今集節目啦！

youngman話﹕「男人今時今日已經沒有自理生活的能力？男人腰骨都消失曬喇？」睇下今日D男人自小係點成長，可能會搵到原因……後半part，youngman又話：「去到沙灘，就唔好開收音機喇……..」大師既呢一番說話又有咩含意呢？究竟，我地應當如何感受造物主所創造的世界呢？

youngman 話：「見到靚女，就應該要出手啦！」哇，佢有咩心得呢？其實，佢想話你聽「自信」同「自戀」的分別呀！youngman再次分享田徑場上的鐵血教練，當教練都身體力行，親自指導每一個學員時，「熱血」呢兩個字就呈現響你面前喇！「一係唔做，一做就要盡做！」

英雄係乜野？食得架？只係響電影出現嗎？在現今人人都喜歡看別人黑材料的年代，英雄係咪真係不再架勢呢？仲有，一個人最緊要就係識守秘密，聽到是非，最緊要識分辨好！男人，是時候成熟喇，等youngman今集又過你幾招啦！
 

Youngman今集講下點解人咁喜歡最後一刻才Check out房間呢？點解人要只係諗自己感受，而唔係去顧下他人感受？此外，呢位youngman又會講下一個好男人，點樣借完車之後好好咁還返車俾人。當中的學問究竟係點，快快收聽今集《男人 你不年輕了》！

點解識煮番兩味的男人咁受女人歡迎 ？（注意是兩味而不是三餐）。至於為何亞洲男人比不上西方男人？如何用壓力、牙力、魅力說服對方？

討論下如何做位有禮貌的粗礦又man的男人。By the way， gentleman唔係姐姐仔，你誤會了。另外，有些什麼場合和動作，不知不覺中show出你夠唔夠man呢？