分類: 與琴對話

與琴對話

鋼琴 ,人人都like既樂器,共88鍵,由最低到最高,超過7個octave。除左1/4音、或更近既音彈唔到之外,基本上都包哂所有既樂器。人人都like,但係咪人人都love呢? 原來,鋼琴係有靈魂、思想既。只要你試下同鋼琴對話,甚至同佢拍拖,談戀愛,佢一定永遠會同你o係埋一齊,長生不老 !Piano, I’m loving it !

主持人: 約書, 麥之華

與琴對話(11)- 樂歌唱合唱歌樂

樂歌唱,可以係「喜樂歌唱」(讀音:lok9,如「樂趣」),亦可以係「熱愛歌唱」(讀音:ngau6,如「樂業」)。合唱歌樂,可以係「一齊合唱歌曲,就得到快樂」 (讀音:lok9,如「樂趣」),亦可以係「一齊合唱歌曲音樂」(讀音:ngok9,如「樂韻」)。樂歌唱合唱歌樂,就係「一齊喜樂地歌唱合唱歌曲,就得到快樂」亦可指「一齊熱愛歌唱,唱出合唱歌曲音樂」,你試下將個標題由左至右讀,又試下由右向左讀返轉頭,點樣解讀你都可以咁開心!

與琴對話(05)- 新舊聖詩

點解有時唱「主耶穌」會變成「豬野掃」呢? 傳統詩歌有濃厚神學思想既同時,現代廣東詩歌俾人印象係「啱音」、「易上口」、「落地」,讓初信者容易接觸神,但有部份卻有好深入既個人領受,神學深入程度,甚至同傳統詩歌有得比。新舊聖詩各有優點,各選2首俾你欣賞。

與琴對話(03)- 這是天父世界

This is my Father’s world,係由加拿大Ontario一位作曲家,因為望見Lake Ontario既美景而作既詩歌,歐美好多小朋友,細小返教堂都會唱。奇怪既係,第3節頭4句,卻異常黑暗,原來小朋友都唔一定睇個世界咁美好,而好需要我地安慰。

與琴對話(02)- Chopin蕭邦

講起蕭邦,人人都諗起鋼琴,但有冇諗過,佢身為波蘭人,雖然下半生都長居法國,但仍然好愛祖國到一個地步,甚至曾經拒絕敵國俄羅斯沙皇既邀請,堅拒去俄國演奏呢?有咩家庭同歷史背景,促使佢咁愛國呢? 而佢鋼琴作品,究竟有幾難彈奏,而對後世作曲家影響又有幾大呢?

與琴對話(01)- 張國榮

十五年過去,香港人仍然無法忘記,被抑鬱症纏繞既張國榮,於2003年4月1日自殺殞落,終年只得46歲。當年SARS疫症害死299條人命,都冇哥哥突然死來得咁震撼。最初仲以為愚人節大整蠱,點知卻係真事。就讓風繼續吹,因為我地真係不忍遠離哥哥‥‥‥