分類: 職係點

職係點

作為小薯仔的你日常在辦公室會遇到很多千奇百怪的風俗和不明白的慣例嗎?

作為前輩的你又會對一眾「死o靚仔」「死o靚妹」的行為感到無解嗎?

辦公室趣事如棋局局新,唔洗怕,一齊同我地討論13個「職係點」

主持人: Isaac, Mimi, Katina

職係點(13)- 真‧福利

而家呢個年代筍工難求,就算人工唔夠高,福利都一定要好。 五天工作,OT有水補,有Medic,有員工飯堂,有交通津貼,一年18日大假…… 你又希望有咩福利呢?咩福利先算真係福利呢?

職係點(12)- 公司有個「老seafood」

你唔好再阻住個地球轉啦! 返工有時真係好怕遇到一啲俗稱「老seafood」嘅資深同事,對初出茅廬嘅後生仔,或者轉新工嘅夾心中層嚟講特別嚴重。 究竟老屎忽有咩問題呢?有佢地係公司其實又是好是壞呢?我地又可以點應對呢?

職係點(10)- 遲到講乜好?

寒冬又嚟到,起唔到身返工都係人之常情囉…… 塞車、肚痛、屋企人有事、地鐵壞車、隧道撞車……邊個藉口最得體呢?講個藉口胡混過去又合唔合理呢? 如果唔小心撞正要傾次千萬生意,咁啱又遲到咁點算好?

職係點(07)- 愛情陷阱

辦公室戀情總會令我地「恨、愛,心中激盪」 係爾虞我詐、鑊鑊新鮮嘅職場入面,要揾一段真摯嘅愛情可唔可能? 我地係辦公室入面點識男女朋友先可以唔淪為人地茶餘飯後嘅花生呢?

職係點(06)- 最高機密

我地人人返工都總有啲機密時間。經營自己嘅Online Shop、覆吓Whatsapp、上吓Facebook……返工應唔應該做私人嘢?雖然公司冇話唔得,但唔知點解當你兩手Fing Fing上facebook時總會一樣船頭驚鬼船尾驚賊。仲有我地要上網揾資料又點算好呢?甚至乎有冇人係因為咁而畀人炒呢?繼續有做人老闆嘅Matthew同你一齊分享。

職係點(05)- 返工hea有計

正所謂「老闆一走,成班抖抖」,Hea,似乎係當今職場現象。 通常返工會點hea,其實老闆知唔知? 而家D後生仔都好識見工,但見工一粒鐘,老闆點樣判斷佢係一個好員工? 如果有hea但醒目的員工,或蠢而勤力的員工,老闆會點樣揀?

職係點(04)- 絕世筍工?

我地嘅人生就係不斷追尋「筍」的極致。 Shopping就要揾筍野, 旅行就要揾筍地方, 買樓就要揾筍盤, 揾工都要揾筍工? 其實筍工本身係咪真係存在?筍工又要畀到咩Offer先夠筍? 今集有袁海星博士同你一齊分析!

職係點(03)- 當玻璃兜遇上茶記

打工仔日常除左帶公事包同面皮返工之外,好多人都仲有玻璃兜呢個老友。 但當佢情敵茶記出現嘅時候,我地又會點抉擇呢? 珍惜lunch time分分秒秒嘅你,又會怕lunch meeting嗎? 世界各地都有唔同嘅lunch time文化,你又知幾多?

職係點(02)- 轉工的抉擇

歌仔都咁唱啦:「一天一點傷心過這一百數十晚,大概也夠我送我來回地獄又折返人間。」 捱一份牛工,日以繼夜,夜以繼日…… 應唔應該逃離呢個魔掌,轉過份工呢? 等住我地嘅,又係一個天堂定另一個地獄呢?