標籤： 廣播劇
廣播劇：經動女人心（13）- 第十三回：比母后更狼死的公主
今集有請“南國猶大武則天”帶大家遊走一條血腥的稱帝之路。 第一站：獨門馭夫術 第二站：最佳男祭司 第三站：恐怖大屠殺 第四站：血債血償 （本節目涉及暴力場面，敬請家長留意）
廣播劇：經動女人心（12）- 第十二回：勇救同胞的猶大孤女
十二號候選佳麗，芳齡God know、體重God know、學歷God know 問佢為咩報名，佢話God know 不過報名表明明寫住：“清剿奸佞，拯救全族” 份報名表邊個填咖？咁都入到圍？ 真係God know……
廣播劇：經動女人心（11）- 第十一回：樣靚心地正的好老婆
唔怕神一樣嘅對手，最怕豬一樣嘅老公！正所謂，一屋不能藏二豬。幸好幸好，老婆醒目，識得執生！箴言話你知：「婦女美貌而無見識，如同金環帶在豬」 亞比該話你知：「做女人最緊要食腦，姐妹們！站起來！一齊做個內外兼修嘅花瓶！！」
廣播劇：經動女人心（10）- 第十回：坎坷過後的先知媽媽
你有乜嘢夢想﹖ 有人想成為萬眾觸目嘅明星， 有人想征服高聳入雲嘅高山， 有人想譜出動人心弦嘅樂曲， 有人想嘗盡天下間珍饈百味。 今集嘅女主角， 懷有平凡卻偉大嘅夢想， 雖然歷盡坎坷，仍不輕言放棄， 佢向上帝傾心吐意，禱告蒙垂聽， 夢想最終能實現﹗
廣播劇：經動女人心（09）- 第九回：個仔被神救返的信心之母
金錢、權勢甚至係名望，喺現實生活中 或許能夠為我哋帶嚟多多少少嘅方便 不過當涉及生命嘅範疇， 尤其喺生兒育女嘅渴望，甚至係親人嘅性命安危 我哋嘅幫助又從何而來？ 就等我哋今集嘅主角，一五一十，話過你知。
廣播劇：經動女人心（08）- 第八回：苦到盡頭便是甘的婢女
佢，身份卑微，勞碌一生； 佢，無名無份，肩負母職。 喺奔向曠野之地， 喺走投無路之時， 喺苦到盡頭之際， 佢，在不起眼嘅井旁遇見了上帝， 佢，暗淡嘅人生路程終瞥見曙光﹗
廣播劇：經動女人心（07）- 第六回：為主博到盡的窮寡婦
如果你問呢位阿太， 佢呢生人最大嘅體會係乜？ 可能佢會實牙實齒咁話你你知： 「原來蝕底啲幫吓人，真係唔駛死咖喎！」 想知點解，等佢個細妹一五一十話過你知。
廣播劇：經動女人心（06）- 第七回：認錢唔認人的壊女人
喺大自然入面，雌性嘅螳螂以及蜘蛛，同樣會喺交配完成後 將配偶食落肚，成為自己嘅養料， 反觀作為萬物之靈嘅人類，古往今來，不乏有人會為求金錢利益 出賣自己，甚至出賣枕邊人， 佢哋嘅故事係點？click入嚟慢慢聽
廣播劇：經動女人心（04）- 第四回：比勇士更勇的女首領
古有花木蘭代夫從軍，估唔到以色列都有個女人為上帝從軍，踩上沙場同班男人拼個你死我活！ 之但係……女戰士話：：「說到底，我不過是個小女子罷了。」 成功女人背後又點少得一個紮實嘅膊頭，又點少得一個窩心嘅暖男老公呢？
廣播劇：經動女人心（03）- 第二回：最聽奶奶話的新抱
「來讓我跟你走，流浪到天邊海角」 「你Jump去邊，我就Jump去邊」 「你喺邊度死，我亦喺邊度死」 咁聽奶奶話嘅新抱可以喺邊度揾？ 咁尊重奶奶嘅新抱可以喺邊度求？ 奶奶眼中嘅賢惠新抱究竟係點樣？ 一齊嚟聽下佢點講吖！
