「曾經有一份真摯的球賽擺響我面前，但我冇珍惜到……」特別是凌晨兩點的大賽，明明都打算plan去睇，點知轉個頭又訓到成隻豬咁！小編就是其中一個例子喇，難道……真心「魯爾」（老矣）？any肥，The cup must go on！今周才開始個兩三天，世界盃又係一地花生，由英格蘭大炒巴拿馬；到日本熱血迫和塞內加爾，仍立不敗之地；烏拉圭三戰全勝；埃及三戰全敗成首支「三輸部隊」；再看「雙牙」因為VAR之便驚險進入十六強，真係用「精彩」都形容唔到呀！就係因為咁，《食住花生睇好波》成班主持都走曬去睇波，得返長沙灣亨利同元朗蘭斯貝利響度，但一樣同你吹到好多野！今集會回顧日本與英格蘭的表現，又講下「找數」，元朗蘭斯貝利更會用一項表演去找英格蘭數，正呀喂！仲有，我們會講下點解瑞士球員做入球慶祝手勢會引起政治風波，原來隱藏住一段有關南歐與北非國家的歷史故事，足球與政治，其實都好難話完全分割開！最後，仲會估下今晚E組和F組的走勢，究竟德國會否提早與巴西相遇….但正如一個毒男的「首先」一樣道理，德國……首先要晉到級先喎！一個節目，有講波，有表演聽，仲有世界歷史故事，仲唔快啲收聽今集節目？
主持人： Jacky
近期留言